Paralelogramo

Paralelogramo
An paralelogramo na ini iyo sarong rhomboid bilang mayo ining rektangulong angulo (right angle) asin mga dae-magkaparehas na gilid.
Klase	kwadrilatero
Mga gilid asin kanto	4
Grupong simetriya	C2, [2]+,
Hiwas	b × h (base × height); ab sin θ (produkto kan magkataid na gilid asin sine kan bertikong angulo na madedetermina kan mga ini)
Mga karakter	konbekso

Sa Euclideyanong heometriya, an paralelogramo (Ingles: parallelogram) iyo sarong simpleng (dae-nagsasabatan sa sadiri) kwadrilatero na may duwang pares nin mga paralelong gilid. An magkabaliktadan o magka-atubangan na mga gilid kan paralelogramo iyo may magkaparehas na laba asin an magkabaliktadan na mga angulo kan paralelogramo iyo may parehas na sukol. An pagkaparehas kan magkabaliktadan na mga gilid asin magkabaliktadan na mga angulo iyo direktang konsekwensya kan Euclideyanong paralelong postulado asin an mga kondisyon iyo dae mapapatunayan nin mayong pagsambit sa Euclideyanong paralelong postulado o saro sa mga kaparehas na pormulasyon.

Sa pagkompara, an kwadrilatero na may saro sanang pares nin paralelong gilid iyo sarong trapesoyd (trapezoid sa Amerikanong Ingles o trapezium sa Briton na Ingles).

An tolong-dimensyonal na kaparehas nin sarong paralelogramo iyo sarong parallelepiped.

An etimolohiya (sa Griyego παραλληλ-όγραμμον, parallēl-ógrammon, sarong hugis "nin mga paralelong linya") iyo nagpapaliwanag man kan depinisyon.