Pendant

Pendant é un termo empregado na bibliografía da arte, especialmente na expresión "forma pendant", para designar un par de pezas (de pinturas, esculturas ou mesmo de obras de arte decorativas, como reloxos ou candelabros) que están feitas expresamente para se mostraren xuntas nun espazo axeitado (por exemplo, flanqueando unha porta ou formando simetría nun cuarto ou sobre un aparador). Adoitan ter iguais dimensións e proporcións e referirse ao mesmo tema artístico.^[1]

Non se debe confundir o pendant co termo pinxante (traducible en inglés e francés como colgante ou pendente ).

En ocasións, se lles pide aos pintores como un encargo especial. Por exemplo, en 1887 M Knoedler & Co, da cidade de Nova York, encargou ao artista Jules Breton que pintara dúas obras: Le Matin e Le Soir. Neste caso concreto, pedíraselle a Breton que desenvolvera máis o personaxe principal que aparecía en A travers champs, obra exposta no Salon de 1887^[2]

1. ↑ "Pendant". nationalgallery.org.uk (en inglés). Consultado o 23-2-2020. 
2. ↑ Bourrut Lacouture, Annette. "Jules Breton". schillerandbodo.com (en inglés). Consultado o 23-2-2020.