Back Perikles ALS Pericles AN بريكليس Arabic بريكليس ARZ Pericles AST Perikl Azerbaijani Перыкл Byelorussian Перикъл Bulgarian পেরিক্লিস Bengali/Bangla Perikles Breton
| Perikles | |
|---|---|
 Borsbeeld van Perikles in die Vatikaanse Museum, 'n kopie van 'n beeld deur Kresilas | |
| Geboortedatum | ca. 495 v.C. |
| Geboorteplek | Athene |
| Sterfdatum | 429 v.C. |
| Sterfplek | Athene |
| Lojaliteit | Athene |
| Rang | Strategos |
| Veldslae/oorloë | Slag van Sikyon en Akarnania (454 v.C.) Tweede heilige oorlog (448 v.C.) Uitsetting van Barbare uit Gallipoli (447 v.C.) Samiaanse oorlog (440 v.C.) Beleg van Bisantium (438 v.C.) Peloponnesiese oorlog (431–429 v.C.) |
Perikles (c. 495 – 429 v.C., Grieks: Περικλῆς, menend "omgewe van glorie") was 'n prominente en invloedryke staatsman, redenaar en generaal van antieke Athene tydens die stad se goue era — spesifiek die tydperk tussen die Persiese en Peloponnesiese oorloë. Hy het aan sy moederskant afgestam van die gesaghebbende en histories invloedryke Alkmaionide-familie.
Perikles het sodanige grondige invloed op die Atheense samelewing gehad dat Thukydides, sy eietydse historikus, hom aangeslaan het as die "eerste burger van Athene". Perikles het die Deliese bond omskep in 'n Atheense ryk en sy landgenote gelei tydens die eerste twee jaar van die Peloponnesiese oorlog. Sy Atheense ampstermyn, min of meer van 461 tot 429 v.C., is soms bekend as die "Era van Perikles", alhoewel die tydperk wat so aangedui word, ook 'n tydperk van so vroeg as die Persiese oorloë kan insluit, tot selfs so laat as die volgende eeu.
Perikles het die kunste en literatuur aangemoedig; dit was die hoofrede waarom Athene beskou is as die opvoedkundige en kultuursentrum van die antieke Griekse wêreld. Hy het 'n ambisieuse bouprojek ingelei wat verantwoordelik is vir die meerderheid oorblywende strukture van die Akropolis (insluitend die Parthenon). Hierdie projek het die stad verfraai, die stad se leierstatus sigbaar tentoongestel, asook werk verskaf aan die inwoners daarvan.[1] Benewens het Perikles die Atheense demokrasie so aangevuur dat die kritici hom 'n populis genoem het.[2][3]
- ↑ L. de Blois, An Introduction to the Ancient World, 99
- ↑ S. Muhlberger, Periclean Athens.
- ↑ S. Ruden, Lysistrata, 80.