Pogrom

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Con a palabra pogrom, d'o ruso погром, ye como se conoix a os ataques, con espullamientos y mortaleras, d'una parte d'a población contra una atra parte. A palabra trescruza ta atras luengas en refiriendo-se especificament a las mortaleras de chodigos en l'Imperio Ruso. Se refiere asinas a accions violentas premeditatas, feitas a instigación d'os zars y por a suya Policía, con l'aduya d'as poblacions antisemitas locals, contra as comunidaz chodigas en o suyo territorio; y, por extensión, designa tamién a os ataques organizatos contra os chodigos en cualsiquier atro país d'Europa. Os pogroms, a vegatas, son tamién contra atras minorías etnicas y nacionals, como os chitans. Istas accions s'acompanyan a sobén con espullamientos y tamién con destruccions de biens personals u comunitarios, y tamién de mortaleras.

Raul Hilberg definix o pogrom como una breu explosión de violencia d'una comunidat contra un grupo chodigo que i vive.^[1] Tamién bi han pogroms en atros lugars, como Orient Meyo.

1. ↑ (fr) Raul Hilberg: La destruction des Juifs d'Europe, Tome 1, Foliohistoire, 2006, pachina 553.