Back Qing-dinastie Afrikaans Улу Чиҥ каандык ALT የጪንግ ሥርወ መንግሥት Amharic Dinastía Qing AN किंग वंश ANP سلالة تشينغ الحاكمة Arabic Dinastía Qing AST Tzin sülaləsi Azerbaijani چینق سولالهسی AZB Цин империяһы Bashkir
D Qing-Dünastii (mandschurisch daicing gurun; chin. 清朝, qīng cháo, W.-G. ch'ing ch'ao), au Mandschu-Dünastii, isch 1616 vo de Mandschu under em Nurhaci gründet worde. Si het vo 1644 aa im Kaiserriich China gherrscht. Si het d Ming-Dünastii abglööst und iir Ändi isch 1911 choo, wo d Republik China am 1. Januar 1912 errichdet worde isch.
D Qing-Dünastii isch noch dr mongolische Yuan-Dünastii die zwäiti Dünastii z China gsi, wo nit vo Han-Chinese gründet worde isch. Si het uf em Ufstiig vom Volk vo de Dschurdsche basiert, wo as Jin Dünastii vo 1125 bis 1234 und spööter as die Spöötere Jin (chin. 後金, hòujīn) in Nordchina gherrscht häi. 1635 häi d Dschurdsche sich afo Mandschu nenne. Vo 1636 aa het d Dünastii sälber Qing ghäisse.