Back Sapporo ACE Саппоро ADY Sapporo Afrikaans ሳፖሮ Amharic سابورو Arabic ساپورو ARZ Sapporo Azerbaijani ساپورو AZB Саппоро Bashkir Sapporo BAN
 Sapporo | |||||
|---|---|---|---|---|---|
 | |||||
| |||||
| Alministración | |||||
| País |  Xapón | ||||
| Prefeutura | prefeutura de Hokkaidō | ||||
| Subprefeutura | subprefeutura d'Ishikari | ||||
| Tipu d'entidá | Ciudaes xaponeses designaes por decretu gubernamental | ||||
Mayor of Sapporo (en)  |
Katsuhiro Akimoto (es) | ||||
| Nome oficial | 札幌市 (ja) | ||||
| Nome llocal | 札幌市 (ja) | ||||
| Códigu postal |
060-8611 | ||||
| Xeografía | |||||
| Coordenaes | 43°03′43″N 141°21′16″E / 43.0619°N 141.3544°E | ||||
  Sapporo Sapporo (Xapón)  | |||||
| Superficie | 1121.26 km² | ||||
| Altitú | 5 m | ||||
| Llenda con | Ebetsu, Kitahiroshima, Ishikari, Eniwa, Chitose, Tōbetsu, Otaru, Kimobetsu, Kyōgoku, Akaigawa y Date | ||||
| Demografía | |||||
| Población | 1 959 313 hab. (1r xineru 2020) | ||||
| Porcentaxe | 100% de subprefeutura d'Ishikari | ||||
| Densidá | 1747,42 hab/km² | ||||
| Más información | |||||
| Fundación | 1r agostu 1922, 1870 y 1r ochobre 1899 | ||||
| Prefixu telefónicu |
11 | ||||
| Estaya horaria | UTC+09:00 | ||||
| Llocalidaes hermaniaes |
Munich, Portland, Shenyang, Novosibirsk, Daejeon (es) , Adana, Matsumoto, Provincia de Chiang Mai (es) y Hamamatsu
| ||||
| city.sapporo.jp | |||||
 | |||||
Sapporo (en xaponés: 札幌市; Sapporo-shi) (
escuchar) ye una ciudá de Xapón, asitiada na parte suroeste interior de la islla de Hokkaidō. Ye la capital de la prefeutura homónima y la so población supera los 1,9 millones d'habitantes, lo que la convierte na quinta llocalidá más grande del país. L'área total del territoriu ye de 1.121 km².
Foi fundada en 1869 como capital de la nueva prefeutura de Hokkaidō tres la colonización de la islla mientres la dómina Meiji, en sustitución de Hakodate. Al llevantala de cero, les autoridaes nipones recurrieron a conseyeros occidentales —na so mayoría, norteamericanos— que tuvieron gran influyencia sobre la planificación urbana, l'establecimientu d'industries, l'estilu arquiteutónicu y los centros educativos. Atópase arrodiada por cadenes montascoses y, magar la so crecedera demográfica, caltuvo numberoses zones verdes tantu nel nucleu urbanu como nes contornes; cuenta con un total de 2.700 parques,[1] dalgunos tan importantes como'l Xardín Botánicu y el parque nacional Shikotsu-Tōyá.
Presenta temperatures más baxes que'l restu de ciudaes xaponeses por cuenta de la so clima continental húmedu, con continues nevaes nos meses d'iviernu y tiempu nidiu mientres el branu. Por esta razón, ye un destín turísticu especializáu en deportes ivernizos. Mientres el sieglu XX surdieron eventos que-y dotaron de fama internacional, siendo'l más importante d'ellos el Festival de la nieve de Sapporo que se celebra cada mes de febreru. Dispón d'una rede desenvuelta de tresporte per carretera y ferrocarril, con un aeropuertu propiu pa vuelos rexonales (Okadama) y otru internacional nes cercaníes (Nuevu Aeropuertu de Chitose), que ye'l terceru mayor de Xapón en númberu de pasaxeros.
Cuenta amás con una amplia ufierta cultural y educativa. La Universidá de Hokkaidō, fundada por William S. Clark en 1876 como Escuela d'Agricultura y reconvertida en 1918 na actual institución, ye una de los siete universidaes nacionales de Xapón. Tien un total de 11.600 alumnos de grau y 6.300 de posgráu.[2]
Sapporo entamó los XI Xuegos Olímpicos d'Iviernu de 1972. Amás foi una de les sedes de la Copa Mundial de Fútbol de 2002.
- ↑ «Sapporo 2013: Facts and figures» (inglés). Conceyu de Sapporo. Consultáu'l 25 de payares de 2014.
- ↑ «Number of Students» (inglés). Universidá de Hokkaidō. Archiváu dende l'orixinal, el 2014-12-22. Consultáu'l 3 d'avientu de 2014.