Back بحر سافو Arabic Mar de Savu AST Savu dənizi Azerbaijani Segara Sawu BAN Sawusee BAR Саву (мора) Byelorussian Мора Саву BE-X-OLD Саву (море) Bulgarian Savu more BS Mar de Savu Catalan
| Savusee | |
|---|---|
 Sononder oor die Savusee by Oe-Cusse Ambeno, Oos-Timor | |
 Kaart van die Savusee | |
| Koördinate: | 9°45′S 122°00′O / 9.750°S 122.000°O |
| Ligging: | Indonesië, Oos-Timor |
| Soort: | See van die Stille Oseaan |
| Oppervlakte: | 105 000 km² (41 000 myl²) |
| Maksimum diepte: | 3 470 m (11 385 vt) |
| Lengte: | 650 km (400 myl) |
| Breedte: | 200 km (125 myl) |
| Eiland/e: | Flores, Soemba, Timor |
| Nedersettings: | Koepang (Indonesië) |
Die Savusee (Indonesies: Laut Sawu) is 'n see aan die weste van die Stille Oseaan in Suidoos-Asië. Dit lê tussen Soemba in die weste, Flores in die noorde en Timor in die ooste net suid van die ewenaar. Die Savusee grens in die noorde aan die Floressee, in die noordooste aan die Bandasee, in die suidooste aan die Timorsee en in die suidweste aan die oop Indiese Oseaan.
Die see het 'n oppervlakte van sowat 105 000 km² en 'n maksimale diepte van 3 470 m. Die Savusee is na die eiland Savu genoem, wat in die suide van dié see geleë is. Dit is binne die Maleise argipel geleë en al die eilande behoort tot die Klein-Soenda-eilande. Dit is ongeveer 650 km van oos na wes, en ongeveer 200 km van noord na suid.
Byna die hele kus van die Savusee behoort aan die eilandnasie Indonesië en net 'n klein deel in die noordooste behoort aan Oos-Timor. Die grootste nedersetting aan die Savusee is Koepang op die Indonesiese deel van die Timor-eiland.