Shakti

Hierdie artikel handel oor die begrip "kosmiese energie". Vir ’n artikel oor die godin met dieselfde naam, sien Adi Parashakti.

Shakti (Devanagari: शक्ति śakti, letterlik "energie", "vermoë", "krag")^[1] is in Hindoeïsme die kosmiese energie en verteenwoordig dit die dinamiese kragte wat, soos geglo word, deur die hele heelal beweeg.^[2] Dit word veral geglo in Shaktisme, ’n belangrike Hindoetradisie.

Shakti is die verpersoonliking van die energie wat skeppend, onderhoudend sowel as vernietigend is. As ’n godin word sy Adi Parashakti of die moedergodin (dus Oerkrag) genoem. Op elke vlak van die skepping kom energie tot uiting in alle vorms van materie. Daar word geglo dit is alles ewige vorme van Adi Parashakti. Haar ware vorm is egter onbekend en bo menslike begrip verhewe. Sy is anaadi (sonder begin, sonder einde) en nitya (vir ewig).

In Shaktisme word Adi Parashakti as die opperwese aanbid.

1. ↑ Monier-Williams, Monier. "Monier-Williams Sanskrit-English Dictionary". University of Washington. Geargiveer vanaf die oorspronklike op 25 Augustus 2017. Besoek op 24 Mei 2021.
2. ↑ Datta, Reema; Lowitz, Lisa (2005). Sacred Sanskrit Words. Berkeley, CA: Stonebridge Press. p. 111.