Skateboarding

Skateboarding
Skaters en Beixín, China
Otros nomes	Monopatinaxe, monopatín, skate
Carauterístiques
Contautu	Non
Olímpicu	Sí, dende Tokiu 2020
[editar datos en Wikidata]

El skateboarding ye un deporte d'aición que consiste n'esmucise sobre una tabla con ruedes y de la mesma poder realizar dellos trucos, gran parte d'ellos alzando la tabla del suelu y faciendo figures y reblincaes con ella nel aire.^[1] Tamién ye una actividá recreativa, una forma d'arte, un trabayu na industria del entretenimientu y un mediu de tresporte.^[2] Un informe de 2009 alcontró que'l mercáu del skateboarding tien un valor estimáu de 4 800 millones de dólares de beneficiu añal, con 11,08 millones de skateboarders activos nel mundu.^[3] Prautícase con un skate (monopatín o tabla), tabla de madera plano y doblada pelos estremos y que tien dos exes (trucks) y cuatro ruedes, y con 2 rodamientos en cauna de les 4 ruedes; principalmente nuna superficie plana, en cualquier llugar onde pueda rodase, yá sía na cai o nos skateparks.

Dende los años 70, constrúyense skateparks específicos pa que los usen skateboarders, Freestyle BMXers, o patinadores caleyeros.^[4] Sicasí, el skateboarding ta en discutiniu nes zones onde esta actividá, anque seya illegal, estropió encintaos, obres de cantería, escaleres, bancos, places y parques.^[5]

Pa embrivir desígnase-y a cencielles skate, que ye tamién el términu utilizáu pa nomar el monopatín, tabla sobre la que se practica'l monopatinaxe. Ta rellacionáu col surfing, la cultura caleyera, col arte urbano, pero munchos skaters apenes patinan en cais y/o places. Son los «rampleros», que namái patinan en ramples. Ello ye qu'en bastantes competiciones esisten dos categoríes (o más): street (estilu de cai) y vert (rampla); porque un patinador puede esmucise poles rimaes d'un skatepark.

El 3 d'agostu de 2016, el Comité Olímpicu Internacional aprobó la incorporación del skateboard pa los próximos Xuegos Olímpicos de Tokyo 2020.^[6]

1. ↑ La Historia de: El skateboarding Consultáu'l 28 d'avientu de 2012.
2. ↑ Ocean Howell. Topic Magazine (ed.): «Extreme Market Research». Topic Magazine. Consultáu'l 17 d'agostu de 2012.
3. ↑ Montgomery, Tiffany (12 de mayu de 2009). «The state of the skateboarding industry». Consultáu'l 23 de xunetu de 2014.
4. ↑ Steve Cave, about.com. «Skateboarding: A Brief History (page 2)». Consultáu'l 13 d'avientu de 2006.
5. ↑ National Mall and Memorial Parks: National Park Service: United States Department of the Interior (ed.): «Skateboarding». Pennsylvania Avenue National Historic Site Management Plan: Visitor Information, Education and Enjoyment páxs. 24–25 (Abril de 2014). Archiváu dende l'orixinal, el 4 de marzu de 2017. Consultáu'l 29 de marzu de 2017. «Skateboarding damages stonework, walls, steps, and sculpture in some areas and presents a persistent law enforcement and management challenge. Damaged areas include stone facing on memorials, benches, and other surfaces. Moreover, popular websites advertise the attractiveness of these areas for skateboarding, which indicates the large scope of this challenge. .... Actions: .... In park areas replace and maintain “No Skateboarding” signs that have been vandalized.»
6. ↑ «Nuevos deportes olímpicos: béisbol, softbol, kárate, esguilada, surf y skateboard» (4 d'agostu de 2016). Consultáu'l 27 d'agostu de 2016.