Smeermiddel

'n Smeermiddel is 'n stof (dikwels 'n vloeistof) wat tussen twee bewegende oppervlakke ingevoer word om die wrywing tussen hulle te verminder en sodoende die doeltreffenheid te verbeter en verwering te verminder. Smeermiddels het ook 'n verdere funksie in dat hulle vreemde partikels verwyder. Petroleum gebaseerde smeermiddels soos petroleumjellie is geneig om petroleum afgeleide produkte soos rubber en plastiek aan te val; watergebaseerde smeermiddels sal polêre stowwe oplos en silikongebaseerde smeermiddels sal silikonrubbers afbreek dus is die keuse van die regte soort smeermiddel vir elke toepassing belangrik.

'n Smeermiddel moet gewoonlik vervang word as dit vol partikels is of die molekules daarin afgebreek het as gevolg van blootstelling aan hitte. Een van die mees bekende toepassings van is motorolie wat gebruik word om die bewegende dele van 'n binnebrandenjin in motors en ander toerusting te beskerm. Tipies bestaan hierdie smeermiddels uit 'n 90% basisolie (gewoonlik 'n petroleumfraksie wat minerale olies genoem word en minder as 10% bymiddels. Plantolies of sintetiese olies soos gehidrogeneerde poli-olefiene, esters, silikoon, fluorokoolstowwe en vele ander stowwe word soms ook as basisolies gebruik. Bymiddels het verskillende funksies soos om wrywing en verwering te verminder, die viskositeit te verhoog, die viskositeitsindeks te verbeter, weerstand teen korrosie en oksidasie te verhoog, om die veroudering van die olie of kontaminasie daarvan teen te werk ensovoorts.