Soari

Soari (hurup Arab Gundul: سوارى)^[1] entu burung nyang masupnya ke genus Casuariidae. Ni burung, bagèn gedé, ora gableg terbang. Mangka, ni burung masup ke kelompok burung nyang ora gableg mabur nyang disebut burung pengrari^[2].

Soari adanya idup di utan ujan tropis di bilangan Giné Baru èn belah lor-wètannya Ostrali. Ni burung èmang dasarah pemalu, mangkanya ngejedog di dalem utan baé dah tu. Cuman, ni burung bisa baé ngamuk, ampé-ampé bisa nganpal^[3] orang dah. Mangkanya, jadinya rada susah bakal mbelajarin èn merdatain pasal ni burung.

1. ↑ al-Batāwī, Sayyid ʿUṡmān b. ʿAbd Allāh b. Yaḥyā. (1897). Kamus kecil: Arabiah-Melayu-Sunda. Betawi.
2. ↑ Burung pengrari (hurup Arab Gundul: بوروڠ فڠرارى) – ratite (Ing.); loopvogel (Wld.).
3. ↑ Anpal (hurup Arab Gundul: انفل) – serang, pukul (Indo.); attack (Ingg.); aanvallen (Wld.).