Sociedat

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A sociedat (d'o latín sociĕtas)^[1] ye o conchunto de personas que comparten fins, procupacions y costumbres, y que interactúan entre ellas establindo una comunidat. Tamién ye una entidat poblacional u habitat, que incluye os habitants y a suya redolada, tot el interrelacionato con un prochecto común, que lis da una identidat de pertenencia. Antimás significa un grupo con ligallos economicos, ideolochicos y politicos y supera o concepto de nación-estau: sería a sociedat occidental como una sociedat de nacions, etcetra. Todas istas sociedaz son l'obchecto d'estudio d'as Ciencias socials, en especial d'a Sociolochía, Antropolochía, Ecolochía, etcetra. Istas agrupacions no han d'estar concepcions abstractas, sino que han de tener una representación en un medio, por un regular o territorio, y un alto grau d'acción social conchunta, en atro caso no pueden estar obchecto d'una metodolochía con metodos sociolochicos ta la suya analís y farían parti d'o conoiximiento filosofico, teolochico u d'atros sabers no empiricos. Antimás d'os habitadors, a redolada y o prochecto societario, pueden adhibir-se-ie atras categorías ta la definición de sociedat seguntes a especialidat d'o prochecto u d'o suyo grau de desembolique. Isto será a tecnolochía alcanzada en os medios de producción, dende una sociedat primitiva con a simpla tecnolochía especializata de cazataires -muit poquet maneficios-, dica una sociedat muderna con complexa tecnolochía -muitos maneficios-, practicament en todas as especialidaz. Istos estadios de civilización incluyirán o estilo de vida y o suyo ran de calidat, asinas que será simple y de baixa calidat comparativa en a sociedat primitiva y complexo u sofisticato con alta calidat comparativament en a sociedat industrial. A calidat de vida comparativament ye controvertito pues tien aspectos subchectivos respective a cómo ye entendita por os subchectos (no podemos saber cuanto disgraciaus se sentiban os hombres prehistoricos por no tener televisión).

1. ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.