Back سودرك Arabic ساذارك ARZ ساتارک AZB Southwark Welsh Southwark English Southwark (kvartalo) Esperanto Southwark Estonian ساتارک Persian Southwark Finnish Southwark (quartier) French
Southwark | |
|---|---|
Stadsdeel | |
 Die Southwark-katedraal is die moederkerk van die Anglikaanse diosese van Southwark | |
  Southwark | |
| Koördinate: 51°29′56″N 0°05′24″W / 51.49889°N 0.09000°W | |
| Land | .svg){kind=small} Verenigde Koninkryk |
| Land |  Engeland |
| Graafskap | Groter Londen |
| Borough | Southwark |
| Tydsone | UTC±00:00 (MGT) |
| • Somertyd | UTC+01:00 (BST) |
| Poskode | SE1 |
| Skakelkodes | 020 |
Southwark [ˈsʌðɚk] is 'n stadsdeel van Sentraal-Londen wat administratief aan die London Borough of Southwark behoort. Southwark, wat in die noorde deur die Teemsrivier begrens word en sowat 2,4 km oos van Charing Cross geleë is, is een van die oudste buurte in die Britse hoofstad. Oorspronklik was dit 'n nedersetting in die graafskap Surrey wat uit 'n aantal parogieë bestaan het, maar weens die nabyheid van City of London onder die toenemende invloed van die hoofstad gekom het en ook by sy regspraak ingesluit is.
Vandag is Southwark net teenoor die City of London geleë en strek oor 'n gebied wat - naas die naamgewende nedersetting met Bankside, 'n buurt en straat langs die Teems - historiese dorpe soos Bermondsey, Walworth, Camberwell, dele van Peckham, Nunhead, East Dulwich, dele van Herne Hill, Dulwich en Sydenham Hill insluit.[1]
As een van Londen se binnestedelike distrikte het Southwark in die laat 19de en vroeë 20ste eeu die effekte van vinnige bevolkingsafname ervaar. Tans verkeer die buurt in 'n gevorderde toestand van stedelike regenerasie. So is hier onder meer die City Hall geleë wat die kantore van Groter Londen se bestuursliggaam, die Greater London Authority (GLA), huisves.