Stonehenge

Stonehenge is a Bauweak, wos in da Jungsteinzeit aufgstööt wua is und des wos wenigstns bis in de Bronzezeit gnutzt wuan is. Es steht in da Näh von Amesbury in Wiltshire, England, vielleicht 13 Kilometa neadlich vo Salisbury. Besteh tuaz aus aana Gromaunlog, um de umadum stengan mehrare Megalithstruktuan in konzentrische Kraas. Am meistn foin da äußare Kraas auf, dea besteht aus Pfäulastaana, de mid Deckstaaba iwabrickt san und de innare Struktua, des is wiara Hufeisn aus fimpf Trilithen (je zwaa Trogstaana, iwabrickt mid aan Deckstaa). Dazwischen stengan no mea Struktuan aus klaanare Staana und Lecha in da Ead. In da Nächn san no meah Megalithe und aa no zwaa Higlgräba.

Entstaundn is de Aunlog in drei Phasn:

• De frihe Phasn, mid aan kraasrundn Eadwoi und aan Grom, schätzomativ ausn 31. Joahundat v. Kr.
• Pfostnlecha zaagn, doss zu dea Zeid a hözane Struktua im Innan gwesn sei muaß.
• De aufföllige Megalithstruktua is ziaka zwischen 2500 und 2000 v. Kr. aufgstööt wuan.

Noch neichare Foaschungan is des Gaunze owa woahscheinlich deitlich ööta. Demnoch steht de Megalithstruktur scho seit 3000 v. Kr.^[1] De neichaste Möödung is, dos de gaunze Gschicht wenigstns 11000 Joah steht.^[2][3]

1986 hod de UNESCO Stonehenge, Avebury and Associated Sites, wo Stonehenge dazuagheat, zum Wöödkultuaeabe eakleat.

1. ↑ Angelika Franz: Neudatierung: Stonehenge ist vermutlich älter als bisher angenommen (Memento des Originals [1] vom 13. Mai 2012 im Internet Archive)  Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/www.spiegel.de. Auf: Spiegel Online vom 9. Oktober 2008, zuletzt abgerufen am 11. September 2014.
2. ↑ C. Gaffney, Vince Gaffney, W. Neubauer et al.: The Stonehenge Hidden Landscapes Project. In: Archaeological Prospection. Bd. 19, Nr. 2, April/ Juni 2012, S. 147–155.
3. ↑ Ludwig Boltzmann Institute: The "Stonehenge Hidden Landscape Project" – Results (Memento des Originals [2] vom 1. Juli 2015 im Internet Archive)  Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/lbi-archpro.org Auf: lbi-archpro.org von 2014, zuletzt abgerufen am 11. September 2014.