Stop-motion

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Stop-motion ye una tecnica de realización de cintas d'animación en a cual os obchectos se manipolian fisicament en chicoz incrementos entre fotogramas fotografiaus individualment pa que pareixca que exhiben un movimiento independient u cambian cuan se reproduz la serie de fotogramas.^[1] Per tanto, se puede animar cualsequier tipo d'obchecto, pero os mas utilizaus son os monyacos con articulacions mobils u figuras de plastilina.

A tecnica stop-motion con actors en vivo a ormino se denomina en anglés pixilation. Stop-motion con materials plans como paper, telas u fotografías se gosa denominar cutout animation.

Lo teruelano Segundo de Chomón ye considerau un d'os inventors d'ista tecnica d'animación que él clamaba "paso de maneta" que feba servir en cintas como "L'Hotel electrico" u "La Maison ensorcelée".^[2]

A cinta King Kong de 1933 estió lo primer gran exito d'una cinta que lo suyo personache prencipal yera un monyaco animau con a tecnica stop-motion.^[3]

1. ↑ (en) Taylor, Richard (1996). Encyclopedia of Animation Techniques. Philadelphia: Running Press. ISBN 1-56138-531-X.
2. ↑ (en) The Stop Motion Wizardry of Segundo de Chomón’s The Electric Hotel en Tristan Ettleman blog
3. ↑ (en) HOW 'KING KONG' MOVIES CHANGED VFX HISTORY, OVER AND OVER AGAIN en Inverse.com