Stuko

Stuko estas tavolo de mortero, almetata ekstere sur brikmuro aŭ interne sur plafonoj, muroj kaj vandoj por ŝirmo kaj izolo de la surfaco. Stuko povas esti ankaŭ speco de mortero el marmorpulvo, kalko kaj kreto, kiu sekiĝinte similas al marmoro (marmora stuko).(PIV) Stuko estas ankaŭ tiu gipsa stuko, kiu povas ornami la internan aŭ eksteran surfacon.

Laŭ Francisko Azorín stuki estas Tegi muron, imitante marmoran supraĵon, per speciala ŝmiraĵo.^[1] Li indikas etimologion el la antikva germana stucchi (kortiko). Kaj li aldonas la terminojn stuko, por miksaĵo, mortero, kies ŝmirpentro surmura imitas marmoron, ŝtonon, kaj du stukotipojn, nome gipsa kaj kalka.^[2]

1. ↑ Francisko Azorín, arkitekto, Universala Terminologio de la Arkitekturo (arkeologio, arto, konstruo k. metio), Presejo Chulilla y Ángel, Madrido, 1932, paĝo 191.
2. ↑ Azorín, samloke.