Sund

En Sund is en Stück vun de See, dat twischen twee Landrebeden liggt. Sunnen weren strateegsch jümmer vun Bedüden in de Historie. Schipperee un Hannel köönt vun den, de de Kuntrull över den Sund hett, verhinnert oder to’n Bispeel mit Toll beleggt warrn.

Dör dat Seerechtsövereenkamen is hüüt internatschonal fastleggt, dat Scheep un Luftfohrtüüch dat Recht hebbt, ahn dat se hinnert warrt Sunnen to passeren.