Back Fugida dels Comtes Catalan Flucht der Grafen German Flight of the Earls English La Fuĝo de la Grafoj Esperanto Fuga de los Condes Spanish Kondeen ihesaldia Basque Jaarlien pako Finnish Fuite des comtes French Imeacht na nIarlaí Irish Fuga dos Condes Galician
.svg)
An dèidh Chath Chionn tSáile ann an 1601, thill cinn-feadhna nan Gàidheal gu Cúige Uladh, ach thug iad gèill do na Sasanaich ann an 1603. Bha Aodh Mór Ó Néill, iarla Thír Eoghain, agus Aodh Rua Ó Dónaill nan ceannardan Gàidhleach ri linn Cogadh nan Naoi Bliadhna. Sa bhliadhna 1607,[1] sheòl triùr dhaibh, Aodh Ó Néill, Ruairí Ó Domhnaill agus Cúchonnacht Mag Uidhir, a-mach à Cuan Suillí Móire aig Ráth Maoláin chun na deòiridh.[2] Chaidh Ó Dónaill chun na Spáinne an t-àite far a chaochail e. Leis an tìreachas bheirte buaireadh agus cràidh air na Gàidheil, agus bhathar dhen bheachd gun toireadh daoine an Leas-rìgh ionnsaigh orra. Le sin, cho-dhùin Ó Néill agus Ruairí Ó Domhnaill, fear-ionlaid Aoidh Ruaidh, gun teicheadh iad às an dùthaich aca mu dheireadh thall. ‘S e Cúchonnacht Mag Uidhir agus Tiarna Fhear Manach a chuir an turas air dòigh.[3] Thàinig soitheach bhon a' Bhreatainn Bhige gu Loch Suilí air an àirde an iar-thuatha na dùthcha, agus thug e air bòrd chun na Spàinne iad. ‘S e Teicheadh nan Iarla (Gaeilge: Imeacht na nIarlaí) a chanas air na thachair an oidhche ud sin. Chaidh iad an uair sin chun na Roimhe, an t-àite far a dh’eug Ó Néill ann an 1616. Shiubhaladh na h-uaislean Gàidhleach air feadh a’ thìr-mhòir, gu h-àraidh anns na dùthchannan Caitligeach na h-Eorpa, mar Frainge agus An Spàinn.[4]