Tenis

O tenis ye un esporte de pilota en que s'enfrentan dos chugadors u dos parellas de chugadors, que se desenrrolla en una pista de chuego rectangular dividida transversalment por un rete y que se chuga en golpeando a pilota con una raqueta ta fer-la pasar por dencima d'o rete, de manera que l'adversario no la pueda tornar.

O tenis moderno s'orichinó en o Reino Uniu a la fin d'o sieglo XIX. Dimpués d'a suya creyación o tenis se fació popular entre as clases altas d'os países angloparlants, estendillando-se por tot o mundo en o sieglo XX. Estió present en os primers chuegos olimpicos modernos en 1896 en Atenas, estando esporte olimpico dica París 1924. Dimpués d'haber estau esporte de demostración en as edicions de 1968 y 1984 tornó a la categoría d'esporte olimpico en Seúl 1988.