Tierniezh ar Btolemeed

Tierniezh ar Btolemeed, (henc'hresianeg : Πτολεμαῖοι, anvet ivez a-wezhioù al Lagided, eus an henc'hresianeg : Λαγίδαι, diwar anv tad Ptolemaios I^añ, Lagus) a oa un dierniezh rouanez c'hresian^{[1],[2],[3],[4]} a rene war impalaeriezh Henegipt e-pad ar prantad hellenistek. 275 vloaz e padas o zierniezh, eus 305 kent JK da 30 kent JK. An 32vet ha diwezhañ tierniezh eus Henegipt e oa

Ptolemaios, unan eus ar seizh "somatofilakes" (gwarded-korf) a oa jeneraled ha kannaded Aleksandr veur, a oa anvet satrap Egipt goude marv Aleksandr e 323 kent JK. E 305 kent JK, e kurunas anezhañ e-unan Roue, dindan an anv a Btoleme I^añ, lesanvet diwezhatoc'h "Soter" (savetaer). Degemeret e oa buan ar Btolemeed evel warlerc'hidi ar faraoned. Ren a reas an dierniezh war Egipt betek aloubadeg ar Romaned e 30 kent JK.

Kemeret e oa an anv Ptolemaios gant renerien val an dierniezh. Ar rouanezed, a oa lod anezhe c'hoarezed o fried, diouzh giz Faraoned Henegipt, a veze anvet da gustum Kleopatra, Arsinoe pe Berenis. An hini vrudetañ eus an dierniezh eo an diwezhañ rouanez, Kleopatra VII, anavet evit he ferzh er brezel etre Julius Caesar ha Pompeius, ha diwezhatoc'h etre Octavius ha Marcus Antonius. En em lazhañ a reas pa oa aloubet he bro gant ar Romaned.

1. ↑ Cleopatra: A Sourcebook (Oklahoma Series in Classical Culture) gant Prudence J. Jones, p 14, “They were members of the Ptolemaic dynasty of Macedonian Greeks, who ruled Egypt after the death of its conqueror, Alexander the Great.”
2. ↑ Women in Hellenistic Egypt gant Sarah B. Pomeroy, p 16 : “while Ptolemaic Egypt was a monarchy with a Greek ruling class."
3. ↑ the Oxford Encyclopedia of Ancient Egypt. “,Cleopatra VII was born to Ptolemy XII Auletes (80–57 BCE, ruled 55–51 BCE) and Cleopatra, both parents being Macedonian Greeks.
4. ↑ Encyclopedia of the Archaeology of Ancient Egypt gant Kathryn Bard p 488 : “ Ptolemaic kings were still crowned at Memphis and the city was popularly regarded as the Egyptian rival to Alexandria, founded by the Macedonian Greeks.” ; P 687” During the Ptolemaic period, when Egypt was governed by rulers of Greek descent…”