Uber

Uber Technologies Inc. ye una empresa internacional qu'apurre a los sos veceros vehículos de tresporte con conductor (VTC), al traviés del so software d'aplicación móvil (app), que coneuta los pasaxeros colos conductores de vehículos rexistraos nel so serviciu, que ufierten un serviciu de tresporte a particulares. La empresa entama recoyíes en cientos de ciudaes de tol mundu y tien la so sede en San Francisco (California). Uber opera tamién con coches autónomos nes ciudaes de Pittsburgh y San Francisco dende finales de 2016. El 19 de marzu de 2018, la empresa anunció la suspensión del so programa de vehículos autónomos en tol territoriu norteamericanu, depués de qu'una muyer finara en siendo pillada por un autu autónomu de Uber en Tempe, Arizona. N'agostu de 2017, Uber foi multáu pola Comisión Federal de Comerciu onde aceptaron que mienten al dicir que monitorizan exhaustivamente l'accesu internu a la información personal de los sos usuarios y que nun caltienen una razonable seguridá de los datos de los sos usuarios. Coles mesmes, el 21 d'avientu d'esi mesmu añu, el Tribunal de Xusticia de la Unión Europea falló en contra la posición defendida por Uber declarándola empresa de tresporte, y non plataforma dixital d'intermediación ente viaxeros.