Vacuna

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una vacuna ye un preparau anticheno de microorganismos completos (vivos u muertos) u de beluna d'as suyas proteínas u toxinas que s'utiliza pa la prevención u reducción de malautías en animals y humans. O termin vacuna proviene d'o latín variola vaccinia, adaptau de vaccinus, d'o latín vacca (vaca).^[1], termin creyau por Edward Jenner pa denotar a la picueta bovina. Lo emplegó en 1798 en a suya obra Una investigación sobre as causas y os efectos d'as variolae vaccinae (picueta bovina), en a que describió l'efecto protector d'a picueta bovina contra a picueta humana.^[2]

A definición que da a OMS pa vacuna ye "cualsiquier preparación destinada a creyar immunidat contra una malautía estimulando a producción d'anticuerpos. Puet tractar-se, por eixemplo, d'una suspensión de microorganismos muertos u atenuaus, u de productos u derivaus de microorganismos. O metodo mas habitual pa administrar as vacunas ye a inchección, encara que belunas s'administran con un vaporizador nasal u oral".^[3]

Ista preparación, una vegada ficada en l'organismo, induce una respuesta immune especifica contra o microorganismo patocheno inchectau. L'obchectivo ye creyar, como consecuencia d'ista respuesta d'esfensa, una cierta memoria immunitaria.^[4]

Una vegada s'administra la vacuna, tien lugar o proceso siguient adintro de l'organismo:

1. Activación d'as celulas presentadoras d'antichenos pa encetar o procesamiento antichenico.
2. Activación de limfocitos T (immunidat celular) y B (immunidat humoral) con a formación d'una gran cantidat de celulas de memoria.
3. Reconoiximiento de multiples epitopos por parti d'os limfocitos T.
4. Persistencia d'os antichenos a os teixius limfoides, a on os limfocitos B de memoria continan producindo anticuerpos a o largo d'o tiempo.^[5]

A vacuna ideyal habría d'estar: .^[6]

• De fácil administración.
• De fácil conservación.
• Que induchese una respuesta larga y duradera debant d'un gran numero d'achents infecciosos.
• Que no afectase a os anticuerpos maternals.
• Que no enchendrase animals portadors.
• Que permitese discriminar entre vacunaus y infectaus.

1. ↑ (en) "The introduction of variolation 'A La Turca' to the West by Lady Mary Montagu and Turkey's contribution to this". Dinc, G, Ulman, Y., Elsevier, 2007, pach. 4261–4265, vol. 25, eixemplar 21
2. ↑ (en) "Jenner's Inquiry; a bicentenary analysis". Edward Derrick Baxby, 1999, vol. 17, num. 4, pach. 301, PMID 9987167, DOI 10.1016/s0264-410x(98)00207-2
3. ↑ (en) Vaccines
4. ↑ (es) Antígenos e immunógenos
5. ↑ (es) Inmuno vacunas
6. ↑ (es) "Manual de Inmunología Veterinaria". Gómez-Lucía, Del Mar Blanco, Domènech, pach. 514 - 531, Madrid, Pearson, 2007