Vanderwaalsvergelyking

Die vanderwaalsvergelyking is 'n toestandvergelyking wat nie-ideale gasse beskryf.

Die vergelyking is deur die Nederlander J.D. van der Waals in 1873 ontwikkel en korrigeer die idealegaswet vir twee effekte:^[1]

1. die intermolekulêre aantrekking wat die druk verlaag. Dit word deur die grootheid a weergegee.
2. die uitgeslote volume wat deur die molekule self ingeneem word. Dit word deur die grootheid b weergegee.

Die ideale toestandsvergelyking:

${\displaystyle P={\frac {RT}{\bar {V}}}}$

Gekorrigeer vir die uitgeslote volume:

${\displaystyle P={\frac {RT}{{\bar {V}}-b}}}$

Ook gekorrigeer vir die aantrekkingskragte:

${\displaystyle P={\frac {RT}{{\bar {V}}-b}}-{\frac {a}{{\bar {V}}^{2}}}}$

1. ↑ Peter Atkins, Julio de Paula Physical Chemistry 10th ed., 2014, ISBN 978-1-4292-9019-7, bls 48