Verde

El verde ye un color que s'alcuentra davezu na ñatura. Les plantes son verdes porque caltienen clorofila.

La lluz verde tien una llonxitú d'onda d'unos 550 nm y ye ún de los colores primarios aditivos.

L'opuestu al verde ye'l bermeyu; son colores complementarios ya que cada cual relluma na so máxima espresión al tar ún sobro l'otru: El Verde resaltará más tando sobro un fondo Bermeyu y viceversa. Nel Círculu cromáticu, éstos dos colores tán allugaos diametralmente opuestos.

N'asturianu, fáise desamecimientu ente l'azul y verde, pero n'otres llingües (como'l tarahumara y el vietnamita), nun tienen pallabra propia pal verde ya empleguen la pallabra pal mariellu o l'azul. En xeneral, el chinu, distingui ente'l verde y l'azul, pero la pallabra qing (青 en pinyin: qing1), emplegada sobro too na China premoderna, pue tener significáu d'azul, verde o rares vegaes prietu como en xuanqing (玄青 xuan2 qing1).