Back Бөтә халыҡ Ҡайғы көнө (Германия) Bashkir Volkstrauertag German Volkstrauertag English Volkstrauertag Finnish Volkstrauertag French 国民哀悼の日 Japanese Volkstrauertag Dutch Всенародный День скорби (Германия) Russian 德国国殇纪念日 Chinese
Am Volkstrauertag jedenk Deutschland met Kranznidderläjunge un e'ner Jedenkstond em Bundesdaach all jefallene Soldate, Kreschsduude un dä Opfer von Jewaltherrschaffte. Hä wierd zick 1952 jedes Johr zwei Sonndaare vür em ierschte Advent bejange un jehüürt zo de „Stille Daare“.
Die offizielle Kranznidderläjung von Deutschland eß en Berlin en d'r Neuen Waach „Unger de Linde“.
Andere Länder jedenke och ihre Duude:
- Holland am 4. Mai, am Daach vür em Befreiungsdaach 5. Mai
- België am 11. November, dämm Daach an dämm de Ierschte Weltkreesch ze End jejange eß
- Frankreich am 11. November, „Armistice 1918“ (Waffestillstand 1918)
- Jrußbritannië am 11. November „Remeberance Day“
- USA am 11. November „Veteransday“
En England lääsch de Könnijin „at the eleventh hour of the eleventh day of the eleventh month“ (en de elefte Stond am elefde Daach em elefde Moond, am 11.11. um 11:00 Uhr) e'ne Kranz met Moahnbloome nidder, weil die „Junge“ domols op de Feldere von Flandere, wo die Moahnbloome blöhe, ze Dausende jefalle sen.
