Back نصب واشنطن Arabic Monumentu a Washington AST Vaşinqton abidəsi Azerbaijani Вашингтон Монументы Bashkir Monumento ki Washington BCL Манумент Вашынгтона Byelorussian Вашингтонски монумент Bulgarian Monument a Washington Catalan Washingtonův monument Czech Cofeb Washington Welsh
Die Washington-monument (Engels: Washington Monument) is in die stad Washington D.C. geleë. Dit is opgerig ter nagedagtenis van die eerste Amerikaanse president, George Washington, en is ontwerp deur Robert Mills. Met 'n hoogte van meer as 169 meter is die Washington-monument die hoogste obelisk wat ooit gebou is. Dit is gebou met marmer, graniet en sandsteen. Die monument vorm deel van die sogenaamde National Mall, wat strek van die Capitol tot die Washington-monument.
Die bou van die monument het in 1848 begin, maar dit is eers in 1884 voltooi, amper dertig jaar na die dood van die argitek. Die vertragings is veroorsaak deur 'n gebrek aan hulpbronne en die uitbreek van die Amerikaanse Burgeroorlog. Weens die baie vertragings in die bou van die obelisk, is verskillende soorte marmer gebruik vir die boonste en onderste helfte. As gevolg hiervan kan daar steeds 'n verskil in kleur tussen die bo- en onderkant (op 'n hoogte van 45 meter) gesien word, wat die oorspronklike konstruksie onderskei van die voltooiing in 1876. Die monument is toeganklik vir die publiek. 'n Hysbak neem besoekers na die bopunt van die obelisk waar relatief klein (ongeveer 1 m2) vensters in al vier mure aangebring is.