Back Oktoberfest Afrikaans Oktoberfest AN أكتوبرفست Arabic Oktoberfest Azerbaijani Актобэрфэст Byelorussian Октоберфест Bulgarian অক্টোবরফেস্ট Bengali/Bangla Oktoberfest Breton Oktoberfest BS Oktoberfest Catalan
| Der Artikl is im Dialekt Mingarisch gschriem worn. |
D'Wiesn (s'Oktobafest, dt.: Oktoberfest) is a riesigs Voiksfest, des wo jeds Joar z'Minga stodfindd. D'Wiesn is as gresste Voiksfest vo da Wejd. Obwoih d'Wiesn se imma meahra vo iahre Wuazln entfeand, is trotzdem no vui Tradizionejs z'findn. Außadem iss wos, wos jo jeda af da gonzn Wejd mid Bayern vabindd.
Kenna duat ma vo da Wiesn aa an Ausruaf "O'zapft is!", wos mid'm Ozapfn van easchtn Fassl Bia duachn Owabuagamoasta vo Minga on Ofong vo da Wiesn markiad.
's fongd on om Samsda o, dauad zwoa Wocha und head om easchtn Sunndog im Oktoba af. Seit 2000 is so greglt: Foit da eascht Sunnda im Oktoba af'n 1. oda 2. Oktoba, dauad d'Wiesn bis zan Dog vo da Deitschn Oaheit (3. Oktoba). So dauad d'Wiesn mindastns 16b, owa häxdns 18 Dog.