Yitro

Hervez an Tanac'h eo oa Yitro, beleg Midyan, tad Zipora ha tad-kaer Moshe (Er 3, 1).

Ne gaver ket bepred memes anv gant tad-kaer Moshe er Bibl. En Er 2, 16-21 ez eo Reouel. En Er 3,1 ; 4, 18 ha 18, 1 e vez anvet Yitro. E Ni 10, 29 e kaver "Hovav, mab Reouel, eus Midyan, tad-kaer Moshe"^[1] hag e Bn 1 16 ha 4, 11 e kaver "Ha mibion ar C'heniad, tad-kaer Moshe"^[2] ha "Hever, ar C'heniad, a oa dispartiet eus Kain, eus mibien Hovav, tad-kaer Moshe". Hervez "La Bible de Jérusalem" e vefe aze daou hengoun (pried keniat pe pried midyanat evit Moshe) hag en defe klasket oberour levr an Niveroù liammañ anezho. Bibliourien zo a soñj ne oa meneget nemet "beleg Midyan" en testennoù orin hag e vije bet ouzhpennet anvioù Reouel ha Yitro goude^[3].

An anv Yitro a vez implijet ar muiañ pa gomzer eus tad-kaer Moshe.

1. ↑ Troidigezh An Tour-Tan, levrenn gentañ, p 145
2. ↑ E troidigezh An Tour-Tan, eil levrenn, pp 39 ha 42 e kaver "breur-kaer" met ne glot ket gant troidigezhioù La Bible de Jérusalem, "reizhet" eo bet eta. N'eo ket sklaer troidigezh Gwilh ar C'hoad war ar poent-se (ur wech "tad-kaer", ur wech "breur-kaer"
3. ↑ La Bible de Jérusalem{fr}, cerf, embannadur 1998, p107,notenn d)