Zitrone

Zitrone
E ganzi und en ufgschnittnigi Zitrone
Systematik
Roside Euroside II Ordnig: Seifebaumartigi (Sapindales) Familie: Rautegwäggs (Rutaceae) Gattig: Zitruspflanze (Citrus) Art: Zitrone
Wüsseschaftlige Name
Citrus × limon
(L.) Burm.f.

D Zitrone isch d Frucht vom Zitronebaum (Citrus × limon) us dr Gattig vo de Zitruspflanze (Citrus). Es handlet sich um e Grubbe vo Sorte, wo us ere Chrüzig zwüsche Bitterorangsche (Citrus × aurantium) und Zitronatzitrone (Citrus medica) entstande isch,^[1] woorschinlig im Norde vo Indie. Um s Joor 1000 cha mä die erste sichere Noochwiis z China und au im Mittelmeerruum finde.

D Böim si immergrüen und häi lenglig-ovali Frücht (d Zitrone) öbbe so grooss wien e Fust mit ere gääle oder grüen-gääle Schale. S Fruchtfläisch isch saftig und suur und s het din 3,5–8 % Zitronesüüri und e Hufe Vitamin C. Us Zitrone bechunnt mä Saft, Zitronesüüri, etherischs Ööl und Pektin.

1. ↑ E. Nicolosi, Z. N. Deng, A. Gentile, S. La Malfa, G. Continella, E. Tribulato: Citrus phylogeny and genetic origin of important species as investigated by molecular markers. In: Theoretical and Applied Genetics. Bd 100, Nr. 8. Heidelberg 2000, S. 1155–1166, doi:10.1007/s001220051419.  ISSN 0040-5752