Zugersee

Zugersee
Date
Name:	Zugersee
Laag:	Innerschwiiz
BFS-Nr.:	9175
Flächi:	38,3 km²
maximali Tiefi:	198 m
Zueflüss:	Lorze
Abfluss:	Lorze
Höchi:	413 m ü.M.
Grösseri Ort am Ufer:	Zug, Chom, Walchwiu, Arth
Bsungerheite:
Charte

Dr Zugersee isch e See ir Zentrauschwyz.

Er het e Flächi vo 38,3 Kwadratkilometer u e maximali Töifi vo 198 Meter.

Kantön am See sy Zug (er isch der gröscht Kanton am See), Schwyz u Luzärn. Am Nordufer vom See ligt d Kantonshouptstadt Zug. Luzärn het am See nume der Hoger Chieme mit em Wyler Böscherot.

Der gröscht Zue- und Abfluss isch d Lorze im Kanton Zug, wo d Mündig vom Oberlouf u der Afang vom undere Deil nöch bynenander am Nordändi vom See lige. Bi Arth mündet d Rigiaa in See, vom stotzige Schatthang vo der Rigi loufe zwölf wildi Bärgbech zum See abe, vom Zugerbärg und em Wälchwilerbärg uf der Oschtsyte vom See chöme öppe zwänzg chlyneri Bech der Bärghang zdurabb, und zwüsche Risch und Itelfinge mündet der Erlibach vo der Weschtsyte in See.

Ufem See fahre d Schiff vo der Schiffahrtsgsellschaft vom Zugersee.^[1] Im See chame fische, wemme es Patänt vo Zug oder Schwyz het oder wemmes vom Ufer uus mit liechtem Ggrät macht. E Pruefsfischer ufem See isch der Hürlimaa vo Walchwiu. Es het früener fasch 30 Arte vo Fisch im See gha.^[2][3] Bi nöiere Undersuechige het me 18 gfunde.^[4]

Rund ume See loufe wichtegi Vercheerswääg: d Baanlinie vo Züri und Zug und die vo Basel und Luzärn, wo z Arth zämechöme und zum Gottert gönd, d Autobaan A 4 uf der Weschtsyte und d Kantonsstroosse.

1. ↑ Website vo der Schiffahrtsgsellschaft vom Zugersee AG. Archiviert vom Original am 1. Dezember 2018; abgruefen am 3. Januar 2019. 
2. ↑ Website vom Schwiizer Pruefsfischerverband
3. ↑ s Fischerkonkordat
4. ↑ Artenvielfalt und Zusammensetzung der Fischpopulation im Zugersee, eawag, 29. Oktober 2015