Srilanca, olim Zeylona et apud nonnullos Taprobane (vulgo Sri Lanka) est civitas insularis in Asia Australi sita, quae nominibus Latinis et Graecis Selediva et Taprobane navigatoribus antiquis cognita est. Donec se a dicione Britannica liberavit, nomen Ceylon ferebat. Die 22 Maii 1972 nomen civitatis ad Srilancam mutavit cum nova constitutione. Cuius caput est Sri Jayawardenapura-Kotte, quamquam maxima civitatis urbs est proxima Colombo. Hodie linguae publicae sunt linguae Singhalensis et Tamulica.