Back ኦስቲን፣ ቴክሳስ Amharic Austin AN Ēastūnburh ANG أوستن (تكساس) Arabic اوستن (تكساس) ARZ Austin AST Ostin (Texas) Azerbaijani آستین، تگزاس AZB Austin BAR Ostins BAT-SMG

Austin, Texas

Austin

Kaart Wapen
Vlag
 Land Vlag van Verenigde State van Amerika Verenigde State
 Deelstaat Texas
 County Travis, Williamson, Hays
 Koördinate 30°15′N 97°45′W / 30.250°N 97.750°W / 30.250; -97.750
 Stigting 1835
 Geïnkorporeer op 27 Desember 1839
 Oppervlakte:  
 - Totaal 704 vk km
 Bevolking:  
 - Totaal (Stad en county 2010) 790 390
 - Bevolkingsdigtheid 1 024,4/vk km
 - Metropolitaanse gebied 1 716 291
 Tydsone CST (UTC -6)
Somertyd: CDT (UTC -5)
 Klimaat  
 - Tipe Subtropiese klimaat
 - Gemiddelde jaarlikse temperatuur 20 °C
 - Gem. temp. Januarie/Julie 10,5 / 29,5 °C
 - Gemiddelde jaarlikse neerslae 871 mm
 Burgemeester Kirk Watson (D)
 Amptelike Webwerf austintexas.gov

Austin is die hoofstad van die Amerikaanse deelstaat Texas en die setel van die administratiewe distrik (county) Travis. Austin is in Sentraal-Texas op die oostelike rand van die Amerikaanse Suidweste geleë[1] en is die vierde grootste stad in Texas en die vyftiende grootste in die Verenigde State.[2] Dit was die derde snelgroeiendste grootstad in die land van 2000 tot 2006.[3] Volgens die Julie 2009 Amerikaanse sensusskatting het Austin 'n bevolking van 786 382 en is dit die kulturele en ekonomiese sentrum van die Groter Austin metropolitaanse gebied, wat 'n bevolking van 1 705 075 het en daarby die 35ste grootste metropolitaanse gebied in die Verenigde State is.[4]

Austin gesien vanaf die Internasionale Ruimtestasie

Die gebied is in die 1830's op die oewers van die Coloradorivier deur pioniers gevestig wat die dorp Waterloo genoem het.[5] In 1839 is Waterloo verkies as die hoofstad van die pas onafhanklik geworde Republiek van Texas. Die stad is hernoem na Stephen F. Austin, wat bekend staan as die vader van Texas.[5] Die stad het in die 19de eeu deurgaans gegroei en dit het die sentrum vir regering en opvoeding geword ná die konstruksie van die Texas-staatskapitool en die Universiteit van Texas.[6] Ná 'n gesusde groeitydperk as gevolg van die Groot Depressie het Austin voortgegaan om in 'n belangrike stad te ontwikkel en dit het later as 'n sentrum vir tegnologie en besigheid voorgetree.[5] Vandag is die Groter Austin die tuiste van vele hoë-tek en ander maatskappy, waaronder die hoofkwartiere van vier Fortune 500-maatskappye: Whole Foods Market, Freescale Semiconductor, Forestar Group, en Dell.[7]

Die inwoners van Austin staan as Austiniete bekend en onder hulle tel 'n diverse mengsel universiteitsprofessore, studente, politici, staatsamptenare, hoë-tek arbeiders, blou- en witboordjiearbeiders.[8] Die hoofkampus van die Universiteit Texas is in Austin geleë. Die stad is die tuiste van ontwikkelingsentra vir vele tegnologiemaatskappye en in die hoë-tek 1990's het dit die bynaam "Silicon Hills" gekry. Die huidige amptelike slagspreuk bevorder Austin egter as "Die Regstreeksmusiek-hoofstad van die Wêreld" — 'n verwysing na die talle musici en regstreeksmusiek-oorde in die gebied.[9][10] In onlangse jare het vele Austiniete die nie-amptelike slagspreuk "Hou Austin Eienaardig" aangeneem; dít verwys deels na die eklektiese en liberale lewenstyle van baie Austiniete, maar dis ook die slagspreuk vir 'n veldtog om kleiner plaaslike ondernemings te beskerm.[11]

  1. ↑ (en) "Central Texas by the Book". Texas Society of Architects. Geargiveer vanaf die oorspronklike op 21 Julie 2011. Besoek op 4 Februarie 2010.
  2. ↑ http://www.census.gov/popest/cities/tables/SUB-EST2008-01.csv
  3. ↑ (en) Christie, Les (28 Junie 2007). "The fastest growing U.S. cities". CNNMoney.com. Cable News Network. Geargiveer vanaf die oorspronklike op 30 April 2020. Besoek op 24 Julie 2008.
  4. ↑ (en) "New Orleans: Fastest growing city". CNN/US Census Bureau. Geargiveer vanaf die oorspronklike op 30 April 2020. Besoek op 1 Julie 2009.
  5. ↑ 5,0 5,1 5,2 (en) "The History of Austin". Austin City Connection. City of Austin. Geargiveer vanaf die oorspronklike op 30 September 2011. Besoek op 28 Desember 2007.
  6. ↑ (en) "History Lesson". Austin Convention & Visitors Bureau. Geargiveer vanaf die oorspronklike op 1 Mei 2012. Besoek op 28 Julie 2008.
  7. ↑ Fortune. 2009-Apr. Besoek op 22 Junie 2009.
  8. ↑ (it) "Teas Real Estate & Relocation Guide". Geargiveer vanaf die oorspronklike op 21 Oktober 2014.
  9. ↑ (en) "Live Music Capital of the World". Austin City Connection. City of Austin. Geargiveer vanaf die oorspronklike op 23 Julie 2013. Besoek op 12 Junie 2007.
  10. ↑ (en) "The ATX". ATX Fest. Geargiveer vanaf die oorspronklike op 28 September 2018. Besoek op 6 April 2007.
  11. ↑ (en) Kanter, Alexis (9 September 2004). "Keep Austin Weird?". The Daily Texan. Besoek op 28 Julie 2008.

Developed by StudentB