Charles Warren

Charles Warren
Geboortedatum	7 Februarie 1840
Geboorteplek	Bangor, Gwynedd, Wallis
Sterfdatum	21 Januarie 1927 (86 jaar oud)
Sterfplek	Weston-super-Mare, Somerset, Engeland
Lojaliteit	Verenigde Koninkryk
Diens/Tak	Britse Weermag
Jare in diens	1857–ca. 1905
Rang	Generaal
Eenheid	Her Majesty's Regiment of Royal Engineers
Poste beklee	5de Divisie, Suid-Afrikaanse Veldkrag (1899-1800) Straits Nedersettings (1889-1894) Kommissaris van die Metropolitaanse polisie (1886-1888) Suakim (1886) Betsjoeanaland-veldtog (1884-1885) Noordelike grens-veldtog (1879) Griekwaland-Wes Diamond Fields Horse
Veldslae/oorloë	Transkei-oorlog Betsjoeanaland-veldtog Tweede Vryheidsoorlog Slag van Spioenkop
Toekennings	GCMG, KCB, FRS, Order of the Medjidie (Ottomaanse Ryk)
Ander werk	Palestine Expeditionary Fund The Scout Association

Sir Charles Warren (7 Februarie 1840, Bangor, Gwynedd, Wallis - 21 Januarie 1927, Weston-super-Mare, Somerset, Engeland) was 'n Britse soldaat. Hy sluit aan by die Royal Engineers in 1857 en in 1876 word hy na die Kaap gestuur. Hier moes hy die omstrede grens tussen die Griekwaland-Wes diamantveld en die Vrystaat bepaal. Tydens die Griekwaland-Wes rebellie van 1878 was hy in bevel van die Diamond Fields Horse wat teen die Betsjoeanas geveg het. Hy was in 1879 leier van die Noordgrensekspedisie. Nadat hy teruggeroep was na Brittanje, keer hy terug na Suid-Afrika in 1884 as Generaal-majoor om Betsjoeanaland voor die Zuid-Afrikaansche Republiek te beset.

Hy tree toe tot die politiek en word kommissaris van die Metropolitaanse polisie van Londen. Met die uitbreek van die Tweede Vryheidsoorlog word hy aangestel as Luitenant-generaal van die Vyfde Divisie, Suid-Afrikaanse Veldmag. Hy was betrokke in geskille met die Departement van Oorlog en sy beleid by Spioenkop het 'n polemiek veroorsaak. Hy is oorlede in 1927.

Warrenton, Noord-Kaap is na hom genoem.