Edmontosaurus

Edmontosaurus Tydperk: Laat Kryt 73.0–66 m. jaar gelede PreЄ Є O S D C P T J K Pg N
Die skelet van ’n E. regalis (Oxford-universiteitsmuseum van Natuurgeskiedenis).
Wetenskaplike klassifikasie
Koninkryk:	Animalia
Filum:	Chordata
Klas:	Sauropsida
Superorde:	Dinosauria
Orde:	†Ornithischia
Suborde:	†Ornithopoda
Familie:	†Hadrosauridae
Genus:	†Edmontosaurus (Lambe, 1917)
Tipespesie
†Edmontosaurus regalis
Spesies
†E. regalis †E. annectens

Edmontosaurus, of die edmontosourusse, was ’n genus eendbek-dinosourusse. Daar is twee bekende spesies: E. regalis en E. annectens. Fossiele van eersgenoemde is in westelike Noord-Amerika ontdek wat dateer uit die laat Campanium-tydsnede van die Kryt-periode, 73 miljoen jaar gelede, terwyl fossiele van laasgenoemde in dieselfde streek ontdek is, maar in rotse wat dateer uit die einde van die Maastricht-tydsnede van die Kryt, 66 miljoen jaar gelede. E. annectens was een van die laaste nie-vlieënde dinosourusse en het saam met ander soos Triceratops horridus en Tyrannosaurus rex voorgekom kort voor die Kryt-Paleogeen-uitwissing.

Edmontosaurus het van die grootste eendbek-spesies ingesluit, en kon tot 12 m lank en 4 ton swaar word. Verskeie goed bewaarde voorbeelde is gevind wat nie net bene bevat nie, maar ook goeie velafdrukke en moontlike maaginhoud.