Eter (mitologie)

Eter
Griekse oergod
Eter in ’n geveg met ’n gigant met die kop van ’n leeu.
Naam	Eter
God van	lug, ruimte en hemel
Blyplek	Atmosfeer
Ouers	Erebos en Nyx (Hesiodus) of Chronos en Ananke (mistiese liedere) of Chaos (Ovidius, Hyginus)
Kinders	Gaia, Talassa, Uranos, Ergia

Eter (Grieks: Αἰθήρ) was in die Griekse mitologie die seun van die heel eerste god, Chaos, die leemte waaruit die heelal ontstaan het. In Hesiodus se Teogonie was hy egter die seun van Erebos en Nyx.

Eter is die verpersoonliking van die lug, ruimte en hemel. Hy het verskeie kinders gehad, onder andere Ergia, ’n godin van traagheid en luiheid by Gaia. Nes Tartaros en Erebos het hy wel altare gehad, maar geen tempels of kultus nie.