Gelug

Gelug
’n Standbeeld van Je Tsongkhapa, stigter van die Gelug-skool, op die altaar van sy tempel in die Kumbum-klooster naby Qinghai in Sjina. Foto deur die skrywer Mario Biondi, 7 Julie 2006.
Vertalings
Tibettaans	དགེ་ལུགས་པ་ (Gêlug of Dge-lugs)
Tradisionele Sjinees	格魯派 of 黃教
Vereenvoudigde Sjinees	格鲁派 of 黄教
Pinyin	Gélǔpài of huángjiào

Die Gelug is een van die vyf hoofskole van Tibettaanse Boeddhisme. Die ander vier is Nyingma, Sakya, Kagyü en Jonang. Die Gelug is die jongste van dié tradisies.^[1] Dit is deur Je Tsongkhapa (1357–1419), ’n filosoof en Tibettaanse godsdiensleier, gestig. Die eerste klooster wat hy opgerig het, is Ganden genoem, en tot vandag is die Ganden Tripa die hoof van die skool, hoewel die Dalai Lama die invloedrykste figuur is.

In die 16de eeu het dit die belangrikste Boeddhisteskool in Tibet geword. Dit is ook die oorheersende skool in Mongolië.

1. ↑ Schaik, Sam van. Tibet: A History. Yale University Press 2011, bl. 129.