Back Golf von Akaba ALS خليج العقبة Arabic Golfu d'Áqaba AST Akaba körfəzi Azerbaijani عقبه کؤرفزی AZB Акаба (заліў) Byelorussian Акаба (залив) Bulgarian আকাবা উপসাগর Bengali/Bangla Akapski zaliv BS Golf d'Àqaba Catalan
| Golf van Akaba | |
|---|---|
 Die Sinai-skiereiland met die Golf van Suez in die weste en die Golf van Akaba in die ooste vanuit die ruimte gesien, 2007 | |
 Ligging van die Golf van Akaba | |
| Koördinate: | 28°45′N 34°45′O / 28.750°N 34.750°O |
| Ligging: | Egipte, Israel, Jordanië, Saoedi-Arabië |
| Soort: | Golf van die Indiese Oseaan |
| Maksimum diepte: | 1 850 meter (6 070 voet) |
| Lengte: | 160 km (99 myl) |
| Breedte: | 24 km (15 myl) |
| Uitvloei: | Rooisee |
| Nedersettings: | Taba en Sharm El Sheikh, Egipte Eilat, Israel Akaba, Jordanië |
Die Golf van Akaba (Arabies: خليج العقبة, Khalij al-Aqabah) of Golf van Eilat (Hebreeus: מפרץ אילת, Mifrats Eilat) is 'n golf aan die noordelike punt van die Rooisee tussen die Sinai-skiereiland in die weste en die Arabiese Skiereiland in die ooste. Aangrensende lande is kloksgewys van wes na oos: Egipte, Israel, Jordanië en Saoedi-Arabië.
Geologies gesien behoort die Golf van Akaba tot die Groot Skeurvallei wat vanaf Oos-Afrika oor die Rooisee verder tot die Dooie See en die Jordaanvallei streek. Dié golf skei saam met Israel die Arabiese wêreld in twee dele: Die Arabiese lande van Noord-Afrika in die weste en die Arabiese lande van Wes-Asië in die ooste. Vir Jordanië is die Golf van Akaba die enigste toegang tot die see.
Weens sy warm klimaat en duikplekke is die Golf van Akaba 'n belangrike toeristeoord en vir al vier lande ekonomies belangrik. Belangrike hawestede sluit in Taba in Egipte, Eilat in Israel en Akaba in Jordanië. Sharm El Sheikh is die bekendste vakansieoord op die Egiptiese skiereiland Sinai. Die Golf van Akaba word met die Rooisee verbind via die Straat van Tiran.