Heksery

Heksery beteken tradisioneel die gebruik van towerkuns of bonatuurlike kragte om ander te benadeel.^[1][2] 'n Praktisyn staan bekend as 'n heks. In Middeleeuse en vroeg-moderne Europa is vroue gewoonlik van heksery aangekla wanneer ander geglo het hulle gebruik kwaadwillige magie teen hulle eie gemeenskap en dat hulle met bose wesens gekommunikeer het. Daar is gedink heksery kon gedwarsboom word deur beskermende of teenmagie, wat deur volksgenesers verskaf kon word.

Vermeende hekse is geïntimideer, verban, aangeval of vermoor. Dikwels sou hulle formeel vervolg en gestraf word indien hulle skuldig bevind is of as bloot geglo is hulle is skuldig. Europese heksevervolging en -verhore in die vroeë moderne tydperk het tot tienduisende teregstellings gelei.

In sommige streke was baie van diegene wat van heksery beskuldig is, volksgenesers of vroedvroue.^[3][4]

Europese geloof in heksery het geleidelik afgeneem tydens en ná die Verligting.

1. ↑ Verwysingfout: Invalid <ref> tag; no text was provided for refs named Thomas519
2. ↑ Verwysingfout: Invalid <ref> tag; no text was provided for refs named Hutton 2017 intro
3. ↑ Verwysingfout: Invalid <ref> tag; no text was provided for refs named Riddle
4. ↑ Verwysingfout: Invalid <ref> tag; no text was provided for refs named Ehrenreich