Back قبيلة الهيمبا Arabic قبيلة الهيمبا ARZ Himbalar Azerbaijani هیمبالار AZB Хімба Byelorussian Himba Catalan Himbové Czech Himba Danish Himba German Himba people English
| Himba | |
|---|---|
 Himba (OmuHimba)-vrou in Namibië | |
| Totale bevolking: | ca. 50 000[1] |
| Belangrike bevolkings in: | Suider-Afrika (Angola en Namibië) |
| Taal: | OtjiHimba ('n Herero-variëteit) |
| Geloofsoortuiging: | Monoteïsties (Mukuru en voorouereerbied) |
| Verwante etniese groepe: | Ander Bantoevolke soos Herero, Tjimba en Zemba |
Himba (enkelvoud: OmuHimba, meervoud: OvaHimba) is 'n inheemse etniese groep met 'n geskatte bevolking van 50 000[1] in die noordelike Namibië (die hedendaagse Kunene-streek; voorheen Kaokoland) en oorkant die Kunenerivier in suidelike Angola.[1] Daar is ook groepe wat nie tot die OvaTwa behoort nie en ook OvaHimba is, maar hulle is jagter-versamelaars en OvaHimba hou nie daarvan om met OvaTwa geassosieer te word nie. Die OvaHimba is halfnomadiese, pastorale herders, net kultureel onderskeibaar van die Herero's in noordelike Namibië en suidelike Angola. Hulle praat OtjiHimba, 'n Herero-variëteit, wat aan die Bantoetale van die Niger-Kongo-tale behoort.[1]
Die OvaHimba word as die laaste (half-)nomadieslewende mense van Namibië beskou, terwyl in Angola nog die Vakuval(e) en die Mundimba 'n nomadiese bestaan voer. Die lidmaatskap van 'n mens tot die Himba-volk is dikwels 'n persoonlike besluit en vir buitestaanders nie onmiddellik sigbaar nie. Saam met die Himba is daar nog die Tjimba en Zemba wat verwant is aan die Herero's is en hul eie Herero-variëteite besig.
Die presiese betekenis van die woord "Himba" is onduidelik. Enersyds word dit as "bedelaar" vertaal, maar andersyds as "dié van die rivier", terwyl hulle dit as "die wat sing" vertaal.[2] Die Himba is vir hul gebruik van oker vir kosmetiese doeleindes bekend.
- ↑ 1,0 1,1 1,2 1,3 (en) Kamaku Consultancy Services cc., Commissioned by: Country Pilot Partnership (CPP) Programme Namibia (2011). Strategies That Integrate Environmental Sustainability Into National Development Planning Process to Address Livelihood Concerns of the OvaHimba Tribe in Namibia – A Summary (PDF). Windhoek, Namibië: Departement van Omgewingsake en Toerisme, Republiek van Namibië. Geargiveer vanaf die oorspronklike (PDF) op 4 Maart 2016. Besoek op 15 Augustus 2019.
- ↑ (de) Anja-Kristin Priebe (2002). "Himba sind glücklichere Menschen": Ethnotourismus zu den Himba im Nordwesten Namibias. diplom.de. p. 54. ISBN 978-3-8324-5649-8. Besoek op 15 Augustus 2019.