Hongwu

Hongwu
Keiser van die Ming-dinastie
Dinastie	Ming (Huis van Zhou)
Bewind	23 Januarie 1368 – 24 Junie 1398
Gebore	(1328-10-21)21 Oktober 1328
	Anhui, Yuan-ryk
Gesterf	24 Junie 1398 (op 69)
	Nanjing, Ming-ryk
	Ming Xiaoling-mausoleum, Nanjing
Voorganger	Dinastie gestig
Opvolger	Jianwen
Gade	Xiaocigao
Vader	Zhu Shizhen
Moeder	Chen Erniang

Hongwu (21 Oktober 1328 – 24 Junie 1398) was die stigter en eerste keiser van die Ming-dinastie in China. Sy persoonlike naam was Zhu Yuanzhang (voorheen Chu Yuan-chang of Tsjoe Joean-tsjang).

In die middel van die 14de eeu is China geteister deur hongersnood, peste en opstande. Zhu Yuanzhang het ’n leër op die been gebring wat China verower en ’n einde aan die Mongoolsbeheerde Yuan-dinastie gebring het. Hy het die Mongole gedwing om na die Sentraal-Asiatiese steppe terug te val en het die Ming-dinastie begin 1368 gestig. Later in die jaar het sy magte die Yuan-hoofstad, Khanbaliq (moderne Beijing), binnegeval.

Hongwu het net sy familie vertrou en het sy talle seuns magtige feodale prinse aan die noordelike vleilande en die Yangtze-vallei gemaak.^[1] Hy het sy kleinseun, Jianwen, as sy opvolger aangewys. Jianwen se bewind het nie lank geduur nie, want sy pogings om sy ooms in toom te hou het daartoe gelei dat een van hulle, Yongle, die bewind oorgeneem het.^[2]

Die meeste van die historiese terreine wat met Hongwu verband hou, is in Nanjing, die oorspronklike hoofstad van die Ming-dinastie.

1. ↑ Chan Hok-lam. "Legitimating Usurpation: Historical Revisions under the Ming Yongle Emperor (r. 1402 –1424)". The Legitimation of New Orders: Case Studies in World History. Chinese University Press, 2007. ISBN 962996239X, 9789629962395. Besoek op 12 Oktober 2012.
2. ↑ The Legitimation of New Orders: Case Studies in World History. Chinese University Press, 2007. ISBN 962996239X, 9789629962395. Besoek op 12 Oktober 2012.