Back موسيقى مستقلة Arabic ইন্ডি সঙ্গীত Bengali/Bangla Música independent Catalan Indie (musik) Danish Independent (Musik) German Independent music English Sendependa muziko Esperanto Música independiente Spanish Musika independente Basque موسیقی مستقل Persian
Indie is 'n versamelnaam wat meestal vir rockgeoriënteerde kunsmusiek gebruik word wat oor die algemeen deur 'n afkeer van kommersiële musiek en 'n voorliefde vir eksperimentering gekarakteriseer word. Die naam is van die Engelse woord independent afkomstig, wat onafhanklik beteken. Dit het oorspronklike na die DIY-houding van die groepe of hul platekontrakte met onafhanklike plateëtikette verwys. Dit het beteken dat vry enige musiek as indie geklassifiseer kan word, van ambience tot heavy metal, maar vandag word met die term in 'n genrekonteks meestal 'n subgenre uit die alternatiewe rock, die sogenaamde indierock, bedoel wat deur groepe soos Pavement en Sonic Youth gewild begin word het.
Die term indien is gevolglik soms verwarrend, aangesien nie alle kunstenaars wat onder die term geskaar word wel onafhanklik is nie. Vele indiekunstenaars is aan hoofstroom platemaatskappye verbonde. Met hul imago het hulle hulle teen die massakultuur verset, maar sommige aanvanklik onbekende kunstenaars het tot groot sterre uitgegroei. Sedert die kommersiële suksesse van name soos R.E.M. en Nirvana is die term indie, soos ook die terme ondergronds en cult, dan ook steeds meer die gevestigde plateïndustrie as bemarkingsfoefie gebruik om kunstenaars met 'n teendraadse imago te adverteer. Of die vervaardigde musiek in hierdie gevalle ook daadwerklik vernuwend of teendraads is, skyn daarby minder belangrik te wees. 'n Term vir grensverleggende rockmusiek wat minder bemarkingsgevoelig is, is eksperimentele rock.
