Insnoering van Ranvier

Struktuur van ’n tipiese neuron

Insnoering van Ranvier
Dendriet Selliggaam Akson Kern Insnoe- ring van Ranvier Akson- eindpunt Schwannsel Miëlienskede

Insnoerings van Ranvier, of ismusse van Ranvier, is periodieke gapings in die isolerende miëlienskedes van ’n akson waar die akson se membraan blootgestel is aan die ruimte buite die sel. Die insnoerings is nie geïsoleer nie en ruil ione uit wat nodig is om aksiepotensiale te genereer.

Senuweegeleiding in gemiëlineerde aksons word saltatoriese of sprongsgewyse geleiding genoem (van die Latynse woord saltare, "om te spring") vanweë die manier waarop die aksiepotensiale oor die hele lengte van die akson van een insnoering na die volgende "spring". Dit lei tot die vinniger geleiding van die aksiepotensiaal.