Back جيمس دبليو كريستي Arabic جیمز کریستی AZB Джеймс Кристи Bulgarian James Christy Catalan James Christy Czech James Christy Danish James W. Christy German Τζέιμς Κρίστι Greek James W. Christy English James W. Christy Esperanto
James W. Christy | |
|---|---|
 James Christy (links) en Robert Harrington in 1978. | |
| Gebore | James Walter Christy 1938 |
| Nasionaliteit | Verenigde State van Amerika |
| Beroep | Sterrekundige |
| Bekend vir | Ontdek Pluto se eerste maan |
James Walter Christy (gebore 1938) is 'n Amerikaanse sterrekundige.
Op 22 Junie 1978 ontdek hy dat die dwergplaneet Pluto 'n natuurlike satelliet het. Hy maak die ontdekking terwyl hy by die Amerikaanse Vloot se sterrewag werk en noem die maan 'n rukkie daarna Charon. Die naam bly nie-amptelik, totdat dit in 1986 deur die IAU (Union astronomique internationale) aanvaar is.[1]
Christy merk dat Pluto 'n effense bult aan die een kant het terwyl hy 'n vergroting van 'n fotografiese plaat van die dwergplaneet bestudeer. Hierdie plaat is as "swak" gemerk, omdat die verlengde (uitgetrekte) beeld van Pluto aan 'n gebrek aan onbehoorlike belyning toegeskryf is. Christy het egter opgemerk dat slegs Pluto verleng is, maar die sterre in die agtergrond was nie.
Christy het vroeër dubbele sterre by die sterrewag gefotografeer, wat hom laat dink het dat die foto op die plaat dalk 'n metgesel van Pluto kon wees. Nadat hy beelde uit die sterrewag se argief van sover terug as 1965 bestudeer het, kom hy tot die gevolgtrekking dat die bult inderdaad 'n maan was.[2]
Die fotografiese bewyse is as oortuigend, maar nie beslissend beskou (dit was moontlik dat die bult 'n reuse berg op Pluto kon wees). Sy ontdekking word egter bevestig nadat Charon se wentelbaan bereken is, en 'n reeks voorspelde verduisterings van Pluto en Charon waargeneem kon word.[3]
Die 1965-plaat het 'n nota op wat aandui "Pluto beeld verleng", maar die sterrewag se sterrekundiges, insluitend Christy, het tot 1978 aangeneem dat die plaat foutief was.[4]
Op meer moderne teleskope, soos die Hubble-ruimteteleskoop en grond-gebaseerde teleskope wat adaptiewe optika gebruik, kan aparte beelde van Pluto en Charon ingestel word.
Teen die einde van 2008 is asteroïde 129564 Christy na hom vernoem.[5]
- ↑ Marsden, Brian G., Satellites of Saturn and Pluto, IAUC 4157 (3 Januarie 1986)[dooie skakel]
- ↑ Planets Beyond: Discovering the Outer Solar System, by Mark Littmann, 1990, pp. 173-177, including the essay "A Moment of Perception" by James W. Christy.
- ↑ Pluto and Charon: Ice Worlds on the Ragged Edge of the Solar System, by Alan Stern and Jacqueline Mitton, 1999, p. 58
- ↑ Littmann, p. 176
- ↑ 129564 Christy (1997 ER40)