Jaws

Hierdie artikel handel oor die rolprent van 1975.

Jaws
Die ingang tot die Jaws-rit by Universal se Florida-ateljee. Dit is nou gesluit.
Regisseur	Steven Spielberg
Vervaardiger	Richard D. Zanuck David Brown
Draaiboek	Peter Benchley
Met	Roy Scheider Robert Shaw Richard Dreyfuss Lorraine Gary Murray Hamilton
Musiek deur	John Williams
Kinematografie	Bill Butler
Redigeerder	Verna Fields
Ateljee	Zanuck/Brown Company[1] Universal Pictures[1]
Verspreider	Universal Pictures
Uitgereik	20 Junie 1975
Speeltyd	124 minute[2]
Land	VSA
Taal	Engels
Begroting	$9 miljoen
Bruto wins	$476,5 miljoen

Jaws is 'n Amerikaanse rillerrolprent van 1975 wat deur Steven Spielberg geregisseer is. Dit is geskoei op die roman van 1974 met dieselfde naam deur Peter Benchley. Roy Scheider vertolk die rol van die polisiehoof Martin Brody, wat met die hulp van 'n mariene bioloog (Richard Dreyfuss) en 'n professionele haaijagter (Robert Shaw) 'n mensvreterhaai jag wat mense op 'n vakansiedorp aanval. Murray Hamilton vertolk die rol van die burgermeester en Lorraine Gary dié van Brody se vrou.

Die prent is hoofsaaklik verfilm by Martha's Vineyard in Massachusetts^[3] en was die eerste een wat op see geskiet is.^[4] Die vervaardiging was dus moeilik en die prent het die verfilmingstyd en begroting oorskry. Omdat die meganiese haai dikwels nie gewerk het nie,^[5] het Spielberg besluit om dikwels net te sinspeel op die haai se teenwoordigheid.^[6] Die musiek van John Williams is gebruik om aan te dui wanneer die haai sy verskyning gaan maak. Spielberg en ander het dié suggestiewe benadering vergelyk met dié van die regisseur Alfred Hitchcock.

Jaws is beskou as 'n waterskeidende oomblik in die rolprentwese. Dit was 'n tipiese somertreffer en het verskeie pryse vir sy musiek en redigering gewen. Dit het die meeste geld van alle tye by die loket verdien tot met die uitreiking van Star Wars twee jaar later. Albei prente het 'n belangrike rol gespeel in die daarstelling van die moderne Hollywood-sakemodel, wat 'n groot opbrengs soek met aksie- en avontuurflieks wat in die noordelike somer in duisende teaters uitgereik word en goed geadverteer word. Ná Jaws is drie opvolgprente uitgereik, waarby nie Spielberg of Benchley betrokke was nie. In 2001 het die Library of Congress dit gekies vir opname in die Amerikaanse nasionale rolprentregister as "kultureel, histories of esteties belangrik".^[7][8]

1. ↑ ^{1,0 1,1} "Jaws (1975)". AFI Catalog of Feature Films. Geargiveer vanaf die oorspronklike op 26 Maart 2019. Besoek op 12 Augustus 2018.
2. ↑ "JAWS (A)". British Board of Film Classification. 12 Junie 1975. Geargiveer vanaf die oorspronklike op 30 Januarie 2016. Besoek op 22 Junie 2021.
3. ↑ (1995). A Look Inside Jaws. Universal Home Video.
4. ↑ Sokol, Tony. "HBO's 'Spielberg' Documentary Is an Unabashed Love Letter to a Film Lover". Geargiveer vanaf die oorspronklike op 9 Oktober 2017. Besoek op 8 Oktober 2017.
5. ↑ McBride, Joseph (1999). Steven Spielberg: A Biography. Cambridge, Massachusetts: Da Capo Press. ISBN 978-0-306-80900-2.
6. ↑ Sinyard, Neil (1989). The Films of Steven Spielberg. Londen: Hamlyn. ISBN 978-0-600-55226-0.
7. ↑ Kreps, Daniel (12 Desember 2018). "'Jurassic Park,' 'The Shining,' 'Monterey Pop' Added to National Film Registry". Rolling Stone (in Engels (VSA)). Geargiveer vanaf die oorspronklike op 21 April 2022. Besoek op 21 April 2022.
8. ↑ "Complete National Film Registry Listing". Library of Congress. Washington, D.C. Geargiveer vanaf die oorspronklike op 5 Maart 2016. Besoek op 16 Desember 2020.