Jerry Rawlings

Jerry John Rawlings (gebore op 22 Junie 1947 - 12 November 2020) is 'n voormalige Ghanese militêre leier en politikus wat die land van 1981 tot 2001 regeer het, en ook vir 'n kort periode in 1979. Hy het 'n militêre junta gelei tot 1992 en dien toe twee ampstermyne as die demokraties verkose president van Ghana.

Rawlings het aanvanklik aan die bewind gekom in Ghana as luitenant van die Ghanese Lugmag ná 'n staatsgreep in 1979 en nadat hy aanvanklik die mag aan 'n burgerlike regering oorgegee het, het hy op 31 Desember 1981 die leierskap van die land teruggeneem as voorsitter van die voorlopige nasionale verdedigingsraad. In 1992 het Rawlings uit die weermag bedank, die Nasionale Demokratiese Kongres gestig en die eerste President van die Vierde Republiek geword. Hy is in 1996 vir nog vier jaar herkies. Na twee ampstermyne, soos beperk deur die die Ghanese grondwet, het Rawlings sy visepresident John Atta Mills in 2000 as presidentskandidaat goedgekeur. Hy het daarna as die gesant van die Afrika-unie in Somalië gedien.