Kwintessens

Kwintessens is in fisika ’n hipotetiese vorm van donker energie, meer presies ’n skalaarveld, wat voorgestel is as rede dat die uitdying van die heelal al hoe vinniger geskied. Die eerste voorbeeld van hierdie scenario in in 1988 deur Bharat Ratra en Jim Peebles voorgestel.^[1]

Die begrip is uitgebrei na algemener soorte tydvariërende donker energie en die term "kwintessens" is die eerste keer gebruik in ’n geskrif deur Robert R. Caldwell, Rahul Dave en Paul Steinhardt.^[2] Sommige fisici glo dit is dalk ’n vyfde basiese natuurkrag.^[3][4][5]

Kwintessens verskil van die verduideliking van donker energie aan die hand van die kosmologiese konstante deurdat dit dinamies is; dit beteken dit verander mettertyd, anders as die kosmologiese konstante wat, soos die naam aandui, nie verander nie. Kwintessens kan óf aantrekkend óf afstotend wees, na gelang van die verhouding van kinetiese en potensiële energie. Fisici wat laasgenoemde idee voorstaan, glo kwintessens het sowat 10 miljard jaar gelede, sowat 3,5 miljard jaar ná die Oerknal, afstotend geword.^[6]

1. ↑ Ratra, P.; Peebles, L. (1988). "Cosmological consequences of a rolling homogeneous scalar field". Physical Review D. 37 (12): 3406. Bibcode:1988PhRvD..37.3406R. doi:10.1103/PhysRevD.37.3406.
2. ↑ Caldwell, R.R.; Dave, R.; Steinhardt, P.J. (1998). "Cosmological Imprint of an Energy Component with General Equation-of-State". Phys. Rev. Lett. 80 (8): 1582–1585. arXiv:astro-ph/9708069. Bibcode:1998PhRvL..80.1582C. doi:10.1103/PhysRevLett.80.1582.
3. ↑ Wetterich, C. "Quintessence --a fifth force from variation of the fundamental scale" (PDF). Heidelberg-universiteit.
4. ↑ Dvali, Gia; Zaldarriaga, Matias. "Changing α With Time: Implications For Fifth-Force-Type Experiments And Quintessence" (PDF). CERN.
5. ↑ Cicoli, Michele; Pedro, Francisco G.; Tasinato, Gianmassimo (23 Julie 2012). "Natural Quintessence in String Theory" – via arXiv.org.
6. ↑ Wanjek, Christopher. "Quintessence, accelerating the Universe?". Astronomy Today (in Engels). Geargiveer vanaf die oorspronklike op 22 Oktober 2019. Besoek op 12 Desember 2019.