Lake Placid

Village of Lake Placid
Dorp
Lake Placid – die meer
Village of Lake Placid Lake Placid – die meer
Koördinate: 44°17′8″N 73°59′7″W / 44.28556°N 73.98528°W / 44.28556; -73.98528
Land	Verenigde State
Deelstaat	New York
County	Essex
Regering
• Burgemeester	Art Devlin
Oppervlak
• Totaal	3,98 km2 (1,54 vk. myl)
• Land	3,55 km2 (1,37 vk. myl)
• Water	0,43 km2 (0,17 vk. myl)
Hoogte	549 m (1 801 ft)
Bevolking
• Totaal	2 357
• Digtheid	663,73/km2 (1 719,18/vk. myl)
Tydsone	UTC-5 (OST)
• Somertyd	UTC-4 (ODT)
Webwerf	lakeplacid.com

Lake Placid (afgelei van die Engelse byvoeglike naamwoord placid: "kalm", "rustig", "vreedsaam") is die naam van 'n dorp en 'n meer in die Adirondack-gebergte in Essex County (New York, Verenigde State). Lake Placid het 'n bevolking van 2 357 in 2019 gehad. Die dorp is na die meer vernoem.

Die dorp Lake Placid, 'n gewilde skioord, is naby die stadsentrum van North Elba geleë, sowat 40 myl suidwes van Plattsburgh. Die meer vorm saam met die nabygeleë Saranac Lake en Tupper Lake die sogenaamde Tri-Lakes-gebied.

Lake Placid het internasionale bekendheid verwerf as die gasheerdorp van die Olimpiese Winterspele in 1932 en 1980. Dit is saam met St. Moritz in Switserland en Innsbruck in Oostenryk een van slegs drie plekke waar die Olimpiese Winterspele twee keer gehou is. Naas Los Angeles is Lake Placid die enigste plek in Noord-Amerika wat twee keer as gasheerstad van Olimpiese Spele opgetree het.