Die Lamont-Hussey-sterrewag was ’n sterrewag op Naval Hill in Bloemfontein. Dit is in 1928 voltooi en het aan die Universiteit van Michigan behoort. Die bestuur daarvan is later deur die Universiteit van die Vrystaat oorgeneem. Teen 1971 is dit egter nie meer gebruik nie en in 1972 is dit gesluit.
Aangesien die Universiteit van Michigan nie meer die gebou kon gebruik nie, het hulle dit aan die Bloemfonteinse munisipaliteit geskenk en dit het daarna ’n paar jaar lank leeg gestaan. In 1978 het die munisipaliteit dit aan Sukovs beskikbaar gestel om vir eksperimentele teater te gebruik[1] en hulle het dit in 1978 in die Sterrewagteater omskep.
Die teater het intussen in onbruik geraak.[2]
- ↑ The Encyclopaedia of South African Theatre, Film, Media and Performance URL besoek op 5 Maart 2013
- ↑ Sterrewag-teater verval, Volksblad, 3 Maart 2011[dooie skakel] URL besoek op 5 Maart 2013