Back Livingstone Memorial English Monumento a Livingstone Spanish Mémorial de Livingstone French Old Chitambo Swedish

Livingstone-gedenkteken

Voorstelling van die Livingstone-gedenkteken, gepubliseer in 'n Amerikaanse koerant in 1903.

Die Livingstone-gedenkteken wat in 1902 opgerig is, dui die plek aan waar die sendeling-ontdekkingsreisiger David Livingstone op 1 of 4 Mei 1873 oorlede is[1] in hoofman Tjitambo se stat by Ilala naby die oewer van die Bangwêoeloemoerasse in Zambië. Sy hart is daar begrawe onder 'n Worsboom (mpundu of mvula) deur sy getroue bediendes Tjoema, Soeza, Mnjasere en Vtjopere, voordat hulle na die kus vertrek het met sy liggaam.[2] In hulle geselskap was 'n geletterde swartman genaamd Jacob Wainwright, wat die inskrif "LIVINGSTONE MAY 4 1873" en die name van die bediendes op die boom aangebring het.[3]

  1. ↑ Sien David Livingstone vir 'n nota omtrent die datumomstredenheid.
  2. ↑ David Livingstone & Horace Waller (red.): "The Last Journals of David Livingstone in Central Africa from 1865 to his Death". In twee bande. John Murray, Londen, 1874.
  3. ↑ J Desmond Clark: "David Livingstone Memorial at Chitambo's", The Northern Rhodesia Journal, Band 1 Nr 1, 1950.

Developed by StudentB