Back Mariä Aufnahme in den Himmel ALS Asumpción de Santa María AN انتقال العذراء Arabic Asunción de María AST Hoach-Insrfrauntåg BAR Žuolėnė BAT-SMG Унебаўзяцце Найсвяцейшай Дзевы Марыі Byelorussian Унебаўзяцьце Найсьвяцейшай Панны Марыі BE-X-OLD Gouel Maria Hanter-Eost Breton Velika Gospa BS

Mariahemelvaart

Mariahemelvaart (ca. 1516), skildery deur Titiaan (1488/1490–1576)
Mariahemelvaart (ca. 1526), skildery deur Peter Paul Rubens (1577–1640)

Die fees Mariahemelvaart (Latyn: Assumptio Beatae Mariae Virginis, "Opname van die salige Maagd Maria") herdenk volgens die leerstellinge van die Rooms-Katolieke Kerk, die Oosters-Ortodokse Kerk en die Oriëntale Ortodoksie[1] die liggaamlike opname van die Maagd Maria in die hiernamaals aan die einde van haar lewe op aarde. In die kerke wat hierdie herdenking hou, is Mariahemelvaart 'n hooffees en word algemeen op 15 Augustus gevier. In baie lande word die fees ook as 'n heilige dag van verpligting in die Rooms-Katolieke Kerk gehou.

Op Mariahemelvaart word Maria se unieke verbintenis met Jesus se verlossing en deelname aan Jesus se opstanding as "eerste opgeloste mens" herdenk.[2] Saam met Mariahemelvaart het Pous Sergius I die Mariafeeste Mariaboodskap, Marialigmis en Mariageboorte ingestel. Tientalle kerke is aan die leerstelling van Mariahemelvaart gewy.

Volgens die Rooms-Katolieke dogma is die Maagd Maria, nadat "die loop van haar aardse lewe voltooi is, haar liggaam en siel in heerlikheid in die hemel opgeneem".[3] Hierdie leerstelling is op 1 November 1950 deur Pous Pius XII ex cathedra, dit wil sê deur middel van die pouslike onfeilbaarheid, in die apostoliese grondwet Munificentissimus Deus dogmaties gedefinieer.[4] Terwyl die Rooms-Katolieke en die Oosters-Ortodokse Kerk aan die ontslaping van die Moeder van God glo, is die vraagstuk van Maria se liggaamlike dood dogmaties nie verder gespesifiseer nie.[5] In Munificentissimus Deus (onderwerp 39) verwys Pous Pius XII as skriftuurlike ondersteuning na Beresjiet/Genesis (3,15)[6] vir die dogma van die Maagd Maria se oorwinning oor beide die sonde en dood deur haar intieme verbintenis met "die nuwe Adam" (Jesus Christus),[7] soos dit ook in 1 Korintiërs 15,54 weerspieël word: "En wanneer hierdie verganklike liggaam met die onverganklike beklee is, en hierdie sterflike liggaam met die onsterflike, dan sal die woord wat geskrywe staan, vervul word: “Die dood is vernietig, die oorwinning is behaal.”"[8][9][10][11]

Die Nuwe Testament bevat nóg 'n eksplisiete verhaal oor die dood of onslaping nóg oor die opname van Maria in die Hemel, maar verskeie skrifgedeeltes beskryf volgens teologiese interpretasies die uiteindelike lot in hierdie en die wêreld ná die moeder van Jesus se afsterwe.[12]

  1. ↑ (en) Church of England (1907). The Annotated Book of Common Prayer: An Historical, Ritual, and Theological Commentary on the Devotional System of the Church of England. Longmans, Green and Company. p. 159. Besoek op 15 Augustus 2015.
  2. ↑ (de) Gerhard Ludwig Müller: Katholische Dogmatik: für Studium und Praxis der Theologie. 4de uitgawe van die spesiale uitgawe (9 algeheel). Herder, Freiburg im Breisgau 2012, bl. 507.
  3. ↑ (en) Pous Pius XII: "Munificentissimus Deus – Defining the Dogma of the Assumption" Geargiveer 4 September 2013 op Wayback Machine, par. 44. Vatican, 1 November 1950
  4. ↑ (en) Encyclopedia of Catholicism by Frank K. Flinn, J. Gordon Melton 207 ISBN 0-8160-5455-X bl. 267
  5. ↑ (en) Munificentissimus Deus, 17 Geargiveer 4 September 2013 op Wayback Machine
  6. ↑ (af) "Genesis 3,15". Bybel: Genesis. Bybelgenootskap van Suid-Afrika. Besoek op 25 Augustus 2019. Ek stel vyandskap tussen jou en die vrou, tussen jou nageslag en haar nageslag. Haar nageslag sal jou kop vermorsel en jy sal hom in die hakskeen byt."
  7. ↑ (en) http://w2.vatican.va/content/pius-xii/en/apost_constitutions/documents/hf_p-xii_apc_19501101_munificentissimus-deus.html
  8. ↑ (af) "1 Korintiërs 15,54". Bybel: 1 Korintiërs. Bybelgenootskap van Suid-Afrika. Besoek op 25 Augustus 2019. En wanneer hierdie verganklike liggaam met die onverganklike beklee is, en hierdie sterflike liggaam met die onsterflike, dan sal die woord wat geskrywe staan, vervul word: "Die dood is vernietig, die oorwinning is behaal."
  9. ↑ (en) Introduction to Mary by Mark Miravalle (1993) Queenship Pub. Co. ISBN 978-1-882972-06-7 bl. 75–78
  10. ↑ (en) Paul Haffner in Mariology: A Guide for Priests, Deacons, seminarians, and Consecrated Persons (2008) ISBN 9781579183554 edited by M. Miravalle, bl. 328–350
  11. ↑ (en) Apostolic Constitution Munificentissimus Deus item 39at the Vatican web site Geargiveer 4 September 2013 op Wayback Machine
  12. ↑ "Mary: Grace and Hope in Christ" (in Engels). Vatican.va. 25 Augustus 2019. Geargiveer vanaf die oorspronklike op 3 Desember 2019.

Developed by StudentB